Ko e Ola ‘o e Sivi Hiva Fakata’u e Kolisi Ko Tupou ki he 2012

taimi foaki ma'a QSC

Na’e lava lelei e katonga sivi hiva e ako lolotonga ‘i he po’uli hifo ‘o e Tu’apulelulu ko hono 11 ‘o Sepitema 2012. Ko e taha ‘eni ha sivi hiva ma’olunga ‘aupito ‘o fakatatau ki he ngaahi sivi hiva ‘o e ngaahi ta’u he kuohili.

Ko e Hou’eiki Fakalangilangi, ko e Palesiteni ‘o e Siasi Rev’d Dr. ‘Ahio. Na’e me’a ‘i he katoanga ni foki mo Lord Vaonukonuka pea mo e Tu’i ‘Afitu, Talafekau Lahi ‘o ‘Aositelelia, Talekita Ako ‘o e ngaahi ako ‘o e Siasi ‘o Sisu Kalaisi ‘o e ngaahi ‘aho kimui ni pea mo e  kau tauhi fanau mo e Kolisi Tutuku pea pehe foki mo e ngaahi maheni ‘o e Kolisi Lolotonga. Kau Matapule mo e kau ngaue ‘a e Kolisi Fefine pea mo e Ako Ma’olunga ko Tupou.

Na’e mahu’inga e sivi hiva e ta’u ni he na’e fakakaveinga ia “Ko e Kuonga fo’ou ‘o Tupou VI

Na’e fakahoko e Sivi Hiva ‘i he takai lalahi ‘e Ua. Ko e ‘uluaki takai ko e Himi tu’utu’uni “Ko  e Hufia ‘o Tupou mo Tonga”. Ko e fasi ‘o e Himi na’e to’o mai ia mei he taha ‘o e ngaahi himi ‘a S.Gasangbuch pea ko e fa’u na’e fai pe ia ‘e Mafi To-ki Felenite. Ko e ‘Anitema Tu’utu’uni ko e fa’u pe ia pea fakafasi ‘e MTKF pea na’e ui ia ko e “Fakafeta’i kia Sihova he ‘oku lelei ia”

Ko e takai hono ua na’e fa’u ‘aki ia e ngaahi hiva fili. Ngaahi ‘anitema mei a Geroge Frederick Handel, John Steiner pea mo Alfred Wheeler.

Ko e kau faisivi na’e kole pe ki he Komiti Hiva ‘a e Siasi Uesiliana Tau’ataina ‘o Tonga, Rev Lopeti Taufa (Palesiteni malolo), Rev Tekilati Palavi (Faifekau malolo), Sione Vailanu pea mo Tevita Fifita.

Ko e tokoni fakame’alea ne fai ia he tau malu’i fonua ‘a Tonga – Tonga Royal Brass Band.

Ko e Ola:

  1. Fale Faka’ofo’ofa mo Maau Taha Ko e kau hiva ‘a e Sione Tomasi mo Halotiuti ko e pale $200
  2. Ko e ikuna e Himi Tu’utu’uni  Ko e kau hiva ‘a Woodgate mo ‘Alofaina ko e pale $200
  3. Ko e ikuna ‘o e ‘Anitema Tu’utu’uni ko e kau Hiva ‘a Sau Faupula mo John Wesley ko e pale $200
  4. Ko e ikuna ‘o e ‘Anitema Fili ko e kau hiva mei Sione Tomasi mo Halotiuiti Ko e pale $200
  5. Ko e faihiva lelei taha na’e ma’u ia he faihiva ‘a Sau Faupula mo Uesili ko Lelea Tu’itupou Vai, ko e pale pa’anga $200 mo e $100 pea mo e ipu ‘a George Tu’ipulotu.
  6. Ko e 5 fakakatoa na’e ma’u ia ‘e Kauta’e’iloa mo ‘Aho’eitu ko e pale $200 mei he kautaha Kolisi Tutuku mei ‘Aositelelia
  7. Ko e 4 na’e ma’u ia ‘e Tevita Tonga mo Roger Page Ko e pale pa’anga ‘e 300 mei he kautaha Kolisi Tutuku ‘a ‘Aositelelia
  8. Ko e 3 Ko e kauhiva ‘a Sione Tomasi mo Halotiuti mo e pale pa’anga ‘e  $400 mei he Kautaha Kolisi Tutuku ‘a ‘Aositelelia
  9. Ko e 2 ko e Kau hiva ‘a Woodgate mo ‘Alofaina mo e pale $500 mei he Kautaha Kolisi Tutuku ‘a ‘Aositelelia pea mo e ipu ‘a Cecil Gribble
  10. Ko e ikuna ‘o e katoanga sivi hiva ‘o e 2012 ko e kau hiva ‘a Sau Faupula mo Uesili ko e Pale pa’anga $1000 mei he Kautaha Kolisi Tutuku ‘a ‘Aositelelia pea mo e ipu ‘a Pilinisi Uelingitoni Ngu

Na’e fakahoko ha ki’i fakamamalohi he hiliange e sivi hiva. Ko e po ne ‘alotamaki ‘aupito kae fakatatau ki he lau ‘a e Kolisi Tutuku ko e taha pe ‘eni ha po ‘oku ‘uha ma’upe. ka na’e ‘ikai ta’ofi e fu’u kakai tokolahi ke nau a’u atu ai ki he falekai e Kolisi ke ma’u ai ha ki’i me’atokoni.na’e toki matuku atu e kakai ‘o fakafuofua ki he 2:00 hengihengi.

 

 


One comment

  1. Elina Tai Henderson says:

    When does the school start and how much for two boys to attend? Please respond to the email address below as soon as possible. I would like for our two boys to attend this semester they are in the ninth grade.

Leave a Reply