Chester Williams in Tupou Collge

Na’e ‘a’ahi mai ‘a Chester Williams ki he Kolisi Ko Tupou pea koe taha ia ha me’a fakafiefia ko e mamata ‘a e kau ngaue, kau faiako ‘akapulu ki he ki’i Siana na’a ne fakafehalaaki’i e ma’u e timi ko ia ko e All Blacks mei Nu’u Sila.
‘Oku tau manatu kotoa pe ki he fainolo ‘o e Rugby World Cup ‘o e 1995 ‘a e fiu feinga ‘a e timi ‘a e All Blacks ke a’u ki he Laine tata’o ‘onau ‘ulungia ai ki he timi ‘a e Springboks ko e 9 – 12. Na’e ‘ilonga pe ‘ene si’is’i he ko ia na’e tuku ange ki ai ke hoa’i ‘a Jonah Lomu.

‘Oku totonu pe ke tau fakatokanga’i ‘a e mahu’inga e ki’i siana′ni he ko e fuofua hu mai ‘eni e Springboks ki he tau fakavaha’a pule’anga hili ia hono tautea’i kinautolu ki he ta’u ‘e 20 ko e ‘uhi pe ko e lau lanu. Ko Chester ko e fuofua ‘uli’uli (hufanga he fakatapu) ke kau ki he timi ko ‘eni ‘a e Springboks.

‘Oku lolotonga faiako ‘a Chester he kalapu ‘i Morroco pea na’e ‘a’ahi mai ‘a Chester mo e Pule lahi e kalapu ke fekumi ki ha ngaahi taleniti fo’ou mei he Pasifiki ‘o kau ai ‘a Tonga′ni, Fisi mo Ha’amoa. ‘Oku mahu’inga pe ia ka ko e mahu’inga taha pe ‘ene ‘a’ahi mai ke sio tonu e fanau kiate ia.

Ko Lord Vaea, Puleako, Viliami ‘Ofahengaue mo Chester Williams

Na’e ‘a’ahi mai aipe heni mo e kau taufakaonua ‘iloa hotau fonua ka ko e kau Kolisi Tutuku; Fakahau Valu, Pilikatia Tau’aika Fonua, Viliami ‘Ofahengaue mo e ni’ihi pe ne nau muimui ai.

Leave a Reply