Kole Falani mo e Pulu ‘Akapulu

 

Ko e me’a kuo ongo ki he Kolisi Lolotonga ko e ‘ikai ke kakato e si’i fatongia e Kau Ngaue ki he fanau va’inga ‘oku ‘amanaki ke nau fakafofonga’i e Kolisi ki he fe’auhi ‘akapulu Union ‘o e ta’u 2013.

‘Oku fai atu ai e fakatangi ni mei he Pule Sipoti mo e Komiti Sipoti ki ha taha Kolisi Tutuku pe ko ha kainga ‘ofa e Kolisi Lolotonga ki ha ‘ofa pe tokoni mai ki he fanau va’inga ‘o e to’uva’inga ko ‘eni.

‘Oku ‘amanaki ke kamata e to’uva’inga ko’eni he ‘aho falaite ko hono 17th Me pea ‘oku kei hala he Komiti ia ha fo’i pulu ke fai ‘aki e fatongia. Ko e ki’i fo’i pulu ‘oku ‘oku ma’u kuo ‘ikai ‘aonga ke toe ‘akahi na’a maumau.

Ko e tu’unga ‘oku ‘i ai e ngaahi falani ‘akapulu ‘oku ‘ikai ‘aonga ke tui ki he kakai he kuo fuoloa ta’u mai ‘eni pea kuo ‘ikai ke kei lanu Blue e ngaahi falani ia. Ko e timi Senior ‘oku lolotonga hala he falani pea ‘oku pehe e fakatangi ni.

Ka ‘i ai pe ha taha ‘e fie tokoni ki ha fo’i pulu pe ko ha falani pe tene ma’u ha fakamatala ki ha taha ‘e ala tokoni, fetu’utaki mai ki he Pule Sipoti – Rev Fotu’atungua Tu’akoi, ‘i he fika telefoni ko e 8412393 pe 7735788. Ko ‘ene email address ko e iftuakoi@gmail.com pe ko ho’o comment mai pe ‘i lalo ‘i he kole ko’eni.

Ka ‘i ai pe ha taha tene lau e kole ni pea ‘oku ne fie hoko ko ha Samaletani Lelei pea ‘oku mau talitali atu ke talitali

lelei ‘a ho’o tokoni.

 

Faka’apa’apa atu mei he Komiti Sipoti e Kolisi Ko Tupou.

2 comments

  1. finau says:

    faga tokoua malo mua fai hotau fatogia meihe api oku tau ofa ai , pea moe api ne fai ai hotau teui .faifekau fKTauage e tokoni atu kii foi pulu ne alu atu moe foha kiha faahiga timi pe .mooni e lau fkamu e loto pea kakapa moe atamai ka koe mea fk vale he aga koe masiva.
    ofa atu
    Finau Taulango

  2. Isileli says:

    Finau malo ‘aupito e fua fatongia mai mei hena. Fakamalo atu ‘i he tokoni lahi kuo fai, pea fakatauange pe ki he ‘Otua Mafimafi ke ne kei foaki atu ha ivi pea mo ha malohi ke fai’aki ‘a e ngaahi fatongia mei hena…Talamonu atu ki he ngaue mo e famili…..’ofa atu

Leave a Reply