Archive for Sport

The Olympian

13906804_1050164161734391_2307550754816632081_n

Mr. Siueni Filimone will be representing Tonga in the upcoming Rio 2016 Olympic Games. He will participate in the 100 meter dash. The entry mark for the 100m is 10.16 of which is far behind Siueni’s 10.6 seconds personal best in the Oceania games held in Fiji last month.

“This is a great highlight of my career and the Olympic Games means that this is a new height that God has taken me” Mr Filimone told Tupou College news. This is a new height for Tupou College Athletics Academy as well and as the young students who wants to pursue their talents.

“For those to follow in my footsteps there is no limit to a God gifted talent and all they have to do is to work hard and give it their best.

Siueni is the second person from Tupou College to be an Olympian. Filipo Muller in 2004 was part of the Tongan Team but under an Olympic Invitation.

FULL NAME Siueni FILIMONE
DATE OF BIRTH August 19, 1994 (Age 21)
HEIGHT AND WEIGHT 1.73 m /5′ 8” — 69 kg / 152 lbs
EVENTS Athletics Men’s 100m

To Siueni,

We the staff of Tupou College and the people of Tonga wish you the best of Luck. Although you will be amongst thousands competing just for 3 spots we wish you a happy and a safe trip. May you be blessed always.

Draw for the 3rd week of Rugby

Round Robin matches for the third week.

Grade 1A vs Tonga High School at Tofoa 2:40pm – 3:25pm.. Should be an exciting game to watch.

Grade 1B is having a bye. Boys can go early to Teufaiva.

Grade 2A vs Tupou High School at ‘Apifo’ou field #1 on 1:00pm – 1:45pm. Grade 2 has the upper hand.

Grade 2B vs Free Weslyan Church Middle Schools at ‘Apifo’ou field #2 at 1:00pm – 1:45pm. Sio’ata Kale trained his boys hard this week. We will expect a hard game for the boys.

Grade 3A vs Tupou High School at ‘Atele field # 2 1:00pm – 1:55pm. We have witnessed that our brother school will not rest until they have given all their best. Good Luck Boys.

Grade 3B vsTakuilau College at ‘Atele field #3 on 2:00pm – 2:55pm. Watch out boys.

Grade 4 vs Takuilau College at ‘Atele field #1 on 1:00 – 1:55pm. See if the boys can come back this week after the defeat of last week.

Grade 5 vs Tonga High School at Longolongo on 2:10pm – 3:15pm. This the grade where Tonga High School is at its most dangerous. Go ‘A ki he Lotu Vailea and may God be with you and let your boys enjoy the Game.

Senior B vs Tonga College 2 at ‘Atele field #1 2:00 – 3:15pm. Go Tu’amelie.

Senior A vs Tonga College at Teufaiva on 3:40 – 4:55pm. a must see game… give your full support and hope we will see a very good game

 

athletics general report

2014 Tonga Inter-Collegiate Athletics Champions

2014 Tonga Inter-Collegiate Athletics Champions

kuo a’usia mai e official report mei he Palesiteni e komiti sipoti fakakatoa e Sipoti e ngaahi Kolisi Rev Fotu’atungua Tu’akoi ‘o e Kolisi Ko Tupou ‘a e ola ‘a e Sipoti fakakolisi ‘o e ta’u ni. Teu to’oto’o kongokonga lalahi atu pe, pea ka ai ha me’a ‘oku fie fehu’i ki ai ha taha pea mou tohi mai ki he pule sipoti(Contacts) pe ko ho’omou tohi mai kiate au kau ‘atu ha tali te ne fakafiemalie’i koe.

Na’e toe ikuna pe ‘e he Kolisi Ko Tupou ‘a e fe’auhi e tamaiki tangata ki he ta’u ko ‘eni. Neongo pe na’e mahanga e Koula mo e Kolisi Tonga ka ko e fakatatau’i e siliva ne langi ange pe Siliva ia ‘o e Kolisi Ko Tupou.

We have been fortunate to win the sports again for the 90th meeting. Although we had the same amount of Gold with Tonga College but it was clear that our silver tally gave us the boost to win it again.

22 golds, 28 silver, 11 bronze

Ko e ngaahi lekooti kuo maumau’i he sipoti ‘o e ta’u ko’eni.

Senior Boys, Shot Put, 15.62m old record, 15.77 new record, Samuela ‘Ulufonua Lofanga, Malapo, Auckland NZ

Senior Boys, Discus, 41.56m old record, 51.64m new record, Samuela ‘Ulufonua

Open Boys, 100m, 11.20s old record, 10.85s new record. Siueni Filimone, Lotofoa Ha’apai,

Open Boys, 200m, 23.03s old record, 22.34s new record, Siueni Filimone

Open Boys, Javelin throw, 48.74m old record, 49.10m, Utu Fa’apoi

Open Boys, 4x100m Relay, 44.46s old record, 44.11s new record, Siueni FIlimone, Peni Pulu, ‘Utu Fa’apoi, Finau Sulunga

and from The National Men Competition

Pole Vault, 3.00m old record, 3.50 new record, Manase Folau

Siueni Filimone will be representing the country to the Commonwealth Games together with an ex-student Heamatangi Tu’ivai. This has been a dream come true to the College Athletics because we have our own representing the country in athletics.

This is a challenge for the student that it is not always rugby that we have opportunity to make a llife in but there is always the opportunity from other sports.

Gifts for the Athletics

Ko e foaki falani ki he Sipoti

‘Oku tatau mo e hā e fiefia e faifekau Pule Sipoti, kau ngāue mo e fanau Sipoti he foaki falani na’e fakahoko mei Nu’u Sila mo ‘Aositelelia ki he fe’auhi sipoti hono Hivangofulu he ta’u ko’eni.

Ko e me’a’ofa mei Nu’u Sila

Ko e ta’u ‘aki ‘eni ‘e 2 he fononga mai ‘a Sinipata ‘Ulufonua mo Samuela ‘Ulufonua ‘o fakafofonga’i e Kolisi Ko Tupou ki he sipoti ‘Atelita.

Koe’uhi ko e ola lelei e Sipoti he ta’u kuohili ne loto mafana ai e kau Tiuta ke foaki e falani sipoti ma’a e fanau ‘Atelita ke nau tauhi ko e suvenia he ngaue ma’ongo’onga na’a nau fakahoko.

‘I he kamata’anga ‘o e ta’u´ni, ne fu’u fiema’u ai ha falani ke fai ‘aki e sipoti pea ne ongo ki he loto ‘a e Kolisi tutuku ko Sinipata ‘Ulufonua mo hono ta’okete ko Sione ‘Ulufonua mei Malapo mo Lofanga ka ‘oku nau nofo ‘Otahuhu Auckland NZ, ‘a e fakatangi na’e fai ‘e he Pule Sipoti  pea mo ‘ene kau ngāue. Na’a na fakafofonga’i pe e Kolisi he lolotonga ‘ena kei ako he Kolisi Ko Tupou.

Ko e me’a’ofa mei ‘Aositelelia

Na’e a’u mai ‘a Monū Taungā ko e fakafofonga mei he Kolisi Tutuku ‘a ‘Aositelelia pea mo e me’a’ofa ko e seti falani mei he kautaha Kolisi Tutuku ‘a ‘Aositelelia. Kuo lahi ta’u mai ‘eni e tokoni falani mai ‘a e Kolisi tutuku ki he sipoti mo e ‘akapulu e Kolisi pea ko e ta’u´ni na’a nau toe tapa mai ki he sipoti ke fakakakato e fiema’u e Kolisi Lolotonga.

‘Oku takimu’a mai ai pe e Palesiteni Lolotonga ka ko e Faifekau pule ‘o e vahenga ‘Aositelea Rev Matafonua Fotofili, Sekelitali Lahi; Mafi-tō-ki-Felenite pea mo e kau tangata hangē ko Sepesi Piukala, Taitō mo e kau Kolisi Tutuku mei ‘Aositelēlia. Na’e kau mai foki mo e famili ‘o Monū he tokoni ki he me’a’ofa´ni.

Fakamālō

‘Oku hounga ki he Tangata’eiki Puleako pea mo e kau ngāue kotoa pe ‘o e Kolisi Ko Tupou ‘i he foaki kuo mou fai ‘o malavalava ai ‘a e fatongia teu tangata ‘a e Kolisi Lolotonga ki he kaha’u ‘o e Fonua pea mo e lotu. ‘Oku fakamālō lahi atu e Kolisi Lolotonga ki he famili ‘Ulufonua ki Auckland NZ, pea pehē ki he kau Kolisi Tutuku kotoa pe mei ‘Aositelēlia he ngaahi me’a’ofa kotoa pe kuo mou foaki.

Fakatauange ‘e tapuekina mai kimoutolu ‘e he ‘Otua Mafimafi pea ke ne fai ai pe homou tataki mo ho’omou fakaivia koe’uhi ko e hala fononga ‘oku tau kaungā pilikimi ai mei taimi ki ‘Itāniti´na. Ko e tokoni ‘oku mou fai ‘oku hoko ia ko e tānaki mai ki he Kaveinga fisifisimu’a ‘o e Kolisi Ko Tupou talu mei ‘aneafi mo e lolotonga´ni pea ki he 2016 ‘a ia te tau fakamanatua ai ‘a e ta’u 150 ‘a e Kolisi. ‘Oku mau ma’u ha loto ‘ofa atu kiate kimoutolu kotoa pe pea ‘oku tui he’ikai ngata he ka ‘e hokohoko atu pe ‘etau fetakinima koe’uhi ko ho hotau ‘Eiki fakamo’ui mo Tonga.

Takau Lutua as Rugby Director

Takau Lutua

Takau Lutua has been appointed as the new Rugby Director for Tupou College. His Job is to look after the development of rugby and to oversee that a suitable program is running to make sure that our celebration for 2016 is an enjoyable one.

Ko Takau Lutua ‘oku ‘ikai sola ia ki ha taha. He is an ex-student – class of 87. In 1985 he was a member of the 1stXV of which they won the Tongan Secondary Schools Premiership. He Played in the Prop Position all the way up his career.

He hails from Haveluliku and worked for the Police and after 22 years he received his pension. There he played with other College fines, Tevita Va’enuku, ‘Eukaliti ‘Aukafolau, Tevita Palenapa, ‘Esafe Taufa and many others who was introduced to rugby here in the college.

He was a national rep in Rugby together with Siaosi ‘Atiola and Rev. Tevita Latailakepa. He played in the Tongan national team from 1989 to 1999.

He is now a family man married to Kato kakala Lutua and has five kids. His third son is the Prop for Grade 3 Nalesoni Lutua.

With his experince and the steps taken by the Principal, Sports Manager and the teacher-coaches, we then look forward to the future with bright hopes.

Tupou College Media would like to welcome you Takau into the boat and with our wishes, we wish that at you have a blessed-full experience here

Ikuna Kafakafa e Senior he ‘Uluaki Tau ‘o e To’u Va’inga 2013

Na’e fakahoko e timi Senior e va’inga fakaholomamata mo’oni he ‘aho ni, he na’e ‘ikai ke pehe atu ‘e Sitani Latu ia mo e fanga ‘unga mei he Fala ‘o Heleni ko e ha e lalahi mai e kau to’a mei he Kolisi ‘Apifo’ou. Ko e kai kamata ‘e Kolisi Ko Tupou ko e kai ‘aka tautea pe ‘e fa mei he ngaahi ‘aka ‘a Palu Fihaki. Ko e tau faingata’a he na’e tata’o ‘a ‘apifo’ou ia he tu’u ‘uluaki mo ‘enau ngaahi ‘aka tautea pea ‘i he ‘osi e tu’u ‘uluaki ne taki ai e Kolisi ‘Apifo’ou ia. Ka ‘i he tu’u mai e tu’u hono ua ne toki hanga ehe fanga ki’i ‘unga ve’e vave ‘o toho’i holo e fu’u kau saieniti mei he lalo kasia ‘o nau kolosi tu’o ai he laine tata’o e Kolisi ‘Apifo’ou.

Na’e ikuna e Kolisi Ko Tupou ‘aki e kai ko e 26 ki he 14.

2 tries – Sione Fa, Kava Likiafu, ko e ongo tama ‘aka ko Palu Fihaki mo Loa Tu’ifua.Ko e faiako ko Rev Minoa Fifita, ‘Isileli Hufanga pea tokoni atu mo Siaosi ‘Atiola.

Ko e Toenga e ngaahi ola ki he ‘aho ni

Grade 1 – ‘ikai lava mai ‘a Tupou High School

Grade 2 – fo’i ‘i he Kolisi ‘Apifo’ou

Grade 3 – Fo’i he Kolisi ‘Apifo’ou

Grade 4 – Fo’i he Kolisi Liahona

Grade 5 – ‘Ikai lava e tau ‘ikai ‘i ai ha mala’e pea toloi ai pe ki he Uike Kaha’u

Ka ‘i ai pe ha me’a ‘e toe fai ki ai ha’o tokanga pea ke Comment mai ‘i Lalo

‘Oku lolotonga upload e tau ‘ane nai ki he You Tube na’a lava mai e kau Kolisi Tutuku ‘o mamata mai ki he tau. “Tupou College vs ‘Apifo’ou College Opening Game aeason 2013 Part 1” Ko e hingoa ‘ena e fo’i tau teke faka hu ki he You Tube.

‘Ofa pe kemou ma’u ha uike faka’ofa’ofa. Tau lau pe ko e ikuna kafakafa ne fai he Senior ko e me’a’ofa lelei ia ki he si’i ngaahi tamai kolisi tutuku kotoa pe tapa kotoa pe ‘o mamani.

Kole Falani mo e Pulu ‘Akapulu

 

Ko e me’a kuo ongo ki he Kolisi Lolotonga ko e ‘ikai ke kakato e si’i fatongia e Kau Ngaue ki he fanau va’inga ‘oku ‘amanaki ke nau fakafofonga’i e Kolisi ki he fe’auhi ‘akapulu Union ‘o e ta’u 2013.

‘Oku fai atu ai e fakatangi ni mei he Pule Sipoti mo e Komiti Sipoti ki ha taha Kolisi Tutuku pe ko ha kainga ‘ofa e Kolisi Lolotonga ki ha ‘ofa pe tokoni mai ki he fanau va’inga ‘o e to’uva’inga ko ‘eni.

‘Oku ‘amanaki ke kamata e to’uva’inga ko’eni he ‘aho falaite ko hono 17th Me pea ‘oku kei hala he Komiti ia ha fo’i pulu ke fai ‘aki e fatongia. Ko e ki’i fo’i pulu ‘oku ‘oku ma’u kuo ‘ikai ‘aonga ke toe ‘akahi na’a maumau.

Ko e tu’unga ‘oku ‘i ai e ngaahi falani ‘akapulu ‘oku ‘ikai ‘aonga ke tui ki he kakai he kuo fuoloa ta’u mai ‘eni pea kuo ‘ikai ke kei lanu Blue e ngaahi falani ia. Ko e timi Senior ‘oku lolotonga hala he falani pea ‘oku pehe e fakatangi ni.

Ka ‘i ai pe ha taha ‘e fie tokoni ki ha fo’i pulu pe ko ha falani pe tene ma’u ha fakamatala ki ha taha ‘e ala tokoni, fetu’utaki mai ki he Pule Sipoti – Rev Fotu’atungua Tu’akoi, ‘i he fika telefoni ko e 8412393 pe 7735788. Ko ‘ene email address ko e iftuakoi@gmail.com pe ko ho’o comment mai pe ‘i lalo ‘i he kole ko’eni.

Ka ‘i ai pe ha taha tene lau e kole ni pea ‘oku ne fie hoko ko ha Samaletani Lelei pea ‘oku mau talitali atu ke talitali

lelei ‘a ho’o tokoni.

 

Faka’apa’apa atu mei he Komiti Sipoti e Kolisi Ko Tupou.

Rugby League Finals mo e Kolisi Tonga

We now have come to the end of the Rugby League Season and 3 out of 4 teams from Tupou College will be playing for the final playoffs tomorrow. The Surprise Lost of the Under 19 side to Tupou High School was somehow appreciated by Tupou Old Boys because of the Golden Jubilee this year. It is now the under 13’s, under 15’s and the under 17’s whom will be taking the stage at the Tonga College ‘Mana Mo’ui’ sports grounds.

The history of the two schools all the way back to 1909. This year the two sides have met and the outcome was convincing enough to tell the winners but as the saying goes “It is not over until the fat lady sings” or “it is not over until the referee blows the whistle.”

The Under 13 lost their their round robin game to Tonga college by 3 tries to 1. Mesake Toumohuni is confident enough to take the shield back home. Christopher Puli’uvea has worked hard to shape the boys to a final of which the kids will never forget.Tu’akoi Havea the under 15 captain is also confident enough to show  off the skills of the boys of which ‘A ki he Lotu Vailea have taught them this year. The under 17’s remains unbeatable under the direction of Kelisimi ‘Atiola and together with the charisma of Kepu Tu’ifua they will try to rule the field as they have always did.

Lets just hope that tomorrow will be a day these mighty boys will wipe the tears of the senior from the surprise lost last Tuesday.

Ko e Ongoongo ki he Sipoti Faka-Kolisi 2013

2013 Inter-Collegiate Champions

Ko e timi hau mei he Kolisi Ko Tupou – Coaches and the Champion Team

 

 

 

 

 

 

 

 

 

 

 

TUPOU COLLEGE ATHLETICS TEAM—2013

1st Row          : P. ‘Akau’ola (Trainer), V. Siale, Rev F. Tu’akoi ( Sport Manager), M. Folau, Rev. Dr. F. Mone (Principal), S. Filimone (Athletics Captain), Rev L. ‘Atiola (Head Tutor), S. Teumohenga, Rev. T. Samiu (Assistant Manager), S. ‘Ulufonua

2nd Row  : ‘A. Kanongata’a, S. Folau, S. Halaifonua, S. ‘Osamu, S. Filimoehala, S. Mafi, F. Fifita, L. Folau, L. Sulunga, T. Pongi, V. ‘Akau’ola S. Tamo’ua

3rd Row  : S. Laume, S. ‘Ikani, M. Folikai, ‘O. Voni, S. Maea, K. Pakileata, H. Filimone, L. Pongi, S. Latu, S. Pongi, S.Fotu, T. Bloomfield, F. Tau, M. Uhi

4th Row  : F. Hafoka, V. Kaufusi, ‘A. Vakameilalo, T. Savou, T. Samita, V. Hala’api’api, S. Poutele, U. Halatokoua, U. Taufa, M. Saipa’ia, S. ‘Ete’aki, L. Fotofili, K. Hala’ufia, V. Kaufusi

5th Row  : ‘A. Fualalo, M. Mulikiha’amea, M. Manufekai, V. Fa’aui, T. Ika, S. Vaiomo’unga, ‘A. Tu’iono, H. Lolohea, S. Fa, T. Sulunga, ‘U, Fa’apoi, S. Loni, H. Finau

6th Row  : T Kanongata’a, P. Kofe, M. Hafoka, ‘A. Fa’ukafa, T. Halaifonua, T. Sikuvea, T. Taufaloa, V. Pahulu, M. Mama’o, V. Fonua

7th Row  : K. Valu, S. Tei, T. Hafoka, P. Pulu, S. Tautua’a

Absent  : K. Likiafu, T. Latu

Ko e Ongoongo ni na’e fai ia he Tangata’eiki Puleako e Kolisi Rev Dr. Fisi’ihoi Mone

‘Oku tau fakafeta’i ki he ‘Otua ‘i he ngaahi tapuaki ‘oku kei fakakoloa ‘aki ‘a e Kolisi ko Tupou mo ‘e ne ngaahi faifatongia. Pea kuo ikuna lelei ai e ngaahi fatongia ‘o e ‘uluaki Fa’ahita’u Fakaako ‘o e 2013. Ko e fa’ahita’u fakaako foki ‘oku mou mea’i ‘oku fa. Fa’ahita’u ‘Uluaki, ‘oku fai ai e teuteu ki he Fe’auhi Sipoti Fakakolisi. Ko hono ua ‘oku fai ai e Fe’auhi ‘Akapulu. Ko hono Tolu ko e Fa’ahita’u Sivihiva, pea faka’osi ‘aki ‘a e Fa’ahita’u ‘o e Ngaahi Sivi.

Kuo lava ‘a e ‘Uluaki fa’ahita’u, pea ‘oku mafana mo fiefia mo fakafeta’i ‘a e kau ngaue mo e fanauako ‘o e Kolisi ko Tupou, ‘i he tapuaki fakafiefia ‘a e ‘Otua, kuo ‘inasi ai ‘a e ‘uluaki feinga. Kuo ikuna ‘e he timi sipoti ‘a e Kolisi ko Tupou ‘a e Fe’auhi Sipoti Fakakolisi ‘o e 2013. Pea ‘oku ou fakamolemole atu na’a ngali kuo te sani tungua, ka ko e fie vahevahe atu pe ‘a e ola ‘o e mateaki mo si’i to kakava ‘a e Timi mei he Malae’ Sipoti ko e Fala-o-Heleni. Na’e ikuna ‘e he timi sipoti ‘a e Kolisi ko Tupou ‘a e metali fakakatoa ‘e 65. Metali koula ‘e 30, Metali siliva ‘e 17 mo e Metali polonise ‘e 18. Fakafeta’i ki he ‘Otua! Ko e ola ma’olunga taha ia ‘i he ngaahi ‘apiako kotoa ‘o Tonga ni. Na’e fika ua hake ‘a e Akoma’olunga ko Tupou mo e metali koula ‘e 28, pea fika tolu hake ‘a e Kolisi Tonga mo e metali koula ‘e 17 pea fika fa hake ‘a e Akoma’olunga ‘o Tonga mo e metali koula ‘e 13.

Na’e ‘ikai ke lava mai ha timi sipoti mei Vava’u mo Ha’apai, ‘o hange ko e ngaahi ta’u kuo ‘osi, ka na’e faka’ata pe ’enau kau sipoti kenau omi pe ki Tongatapu ni, ‘o kau pe ki ha timi sipoti ‘a ha ‘apiako ‘oku nau fie kau ki ai. Na’e faka’ata foki ki muli, ki ha kau Tonga nofo muli, ‘oku fie ‘omai ‘enau fanau ‘o kau ki ha timi sipoti ‘a ha ‘apiako ‘oku nau fie kau mai ki ai. Ko e teuteu eni ‘a e fonua ki he fe’auhi Sipoti ‘a e Pasifiki ‘a ia ‘e fakahoko mai ki Tonga ni ‘i he ta’u 2019. Pea na’e iku ai ‘o faingata’a ange ‘a e sipoti ‘o e ta’u ni. Ka neongo ia, ne mahino ‘a e teuteu lelei ‘a e timi sipoti mei he Vaota Koula, mei he Lanu ‘o e Langi mo e Moana, mo e Tonga Mo’unga ki he Loto, hono fai ‘o e lele, puna, tolo, sika mo e hetolo, ‘o fai ‘aki ‘a e ‘osi’osingamalie. Pea ‘oku tau fakafeta’i ki he ‘Otua. Ko e ongo tangata tu’ukimu’a ‘i he sipoti ‘a e Kolisi ko Tupou ‘i he ta’u ni, ko e kapiteni ‘o e timi sipoti, ko Siueni Filimone, ko e talavou ia mei he fo’i ‘one’one, mei Koulo, pea mo Saia Teumohenga, ko e talavou ia mei Vaotu’u, ka ko e Teumohega pe foki ia mei he Lolo (‘Oku tau manatu kia Hopo Teumohenga mei Tu’anikivale). Ko Siueni ko e foha ia ‘o e tangata ko ‘Akimeta Filimone, ko e tehina ‘o Pila Filimone, ko e mamahi’i kolisi tutuku mei Ha’atakalaua. Ko Pila Filimone ‘oku nau kau fakataha mai mo Pila Molitika, ko e hako ‘o e kau mateaki ‘o e siasi pea pehe ki he Kolisi ko Tupou talu mei tuai. Ko e fa’e ‘a Siueni ko Mele Latai Uasi ‘o ‘O’ua.

Na’e ikuna ‘e Siueni Filimone ‘a e metali koula ‘i he lele mita 100 mo e mita 200 ‘a e senior grade. Pea ko e fungani ‘o e ikuna ko eni, ko ‘e ne fokotu’u mo e ongo lekooti fo’ou loua ‘i he ongo lele ni, ‘aki ‘a e sekoni ‘e 10.79 ‘i he mita ‘e 100 pea sekoni ‘e 22.16 ‘i he mita ‘e 200. Ko e lekooti eni ‘i hono ngaue’aki e misini fakaeonopooni ki hono taimi’i ‘o e lele ‘i he ngaahi sipoti fakavaha’apule’anga. Kuo fakapale’i foki a Siueni ‘e he komiti sipoti fakafonua ‘a Tonga, ‘o ‘oange ki ai e faingamalie ke folau ‘o fakafofonga’i ‘a Tonga ‘i he fe’auhi sipoti World Championship ‘oku fai ki Moroco ‘i he ‘aho 8 ki he 20 ‘o Sune. ‘Oku tau ‘amanaki lelei ki he kaha’u ‘o Siueni Filimone ‘i he sipoti, tautefito ki he teuteu ‘oku fai ‘e he fonua ki he sipoti ‘a e Pasifiki Saute ‘i he ta’u 2019. ‘Oku tau lotu ki he ‘Otua ke tapuaki mai e tamaio’eiki loto to mo fakasevaniti ko eni, hei’ilo ‘e kei langilangi’ia ‘a e ‘Otua ‘i he ‘e ne ngaahi feinga ‘oku fai.

Ko Saia Teumohenga ko e foha ia ‘o Fisimanu Teumohenga mei Vaotu’u, pea ko Fisimanu ko e foha ia ‘o Sosaia Tavake Teumohenga ‘o Tu’anikivale, ko e tangata lahi taha eni ‘i he kau tautehina ‘oku ‘i ai ‘a Hopo Teumohenga, ko e tiuta malolo ‘o e kolisi. Ko e fa’e ‘a Saia Teumohenga ko Ueniti Moala, ko e ‘ofefine pe ia ‘o e tangata kolisi tutuku mei Vaotu’u ko Foua Moala, ko e tangata ‘akapulu ‘iloa ‘i he ‘e ne kei ako ‘i he Kolisi ko Tupou, pea pehe ki he timi ‘a Hihifo mo e Timi Fakafonua ‘a Tonga. Na’e ikuna ‘e Saia ‘e metali koula ‘i he lele mita ‘e 100, 200 mo e hetolo mita ‘e 110, pea pehe foki ki he lele fuka medley mo e lele fuka mita ‘e 100 ‘a e Intermediate. Na’e fokotu’u foki ‘e Saia ‘a e lekooti fo’ou ‘i he lele hetolo mita ‘e 110 ‘aki ‘a e sekoni ‘e 14.61. Kuo ma’u foki ‘e Saia ‘a e fakapale ‘a e komiti sipoti fakafonua ‘a Tonga, ke folau ‘o fakafofonga’i ‘a Tonga ‘i he fe’auhi sipoti Youth World Championship ‘oku fai ia ki Ukraine ‘i he kongaloto pe ‘o e ta’u ni. ‘Oku hange pe ‘a e talavou ni ko Siueni Filimone, ‘a ‘etau ‘amanaki lelei kiate ia ki ha kaha’u lelei te ne ma’u ‘i he mala’e sipoti, ki he teuteu ‘oku fai ‘e he fonua ki he sipoti ‘a e Pasifiki Saute ‘i he ta’u 2019. ‘Oku toe lelei foki mo e feinga ‘a Saia ia ‘i he mala’e ‘akapulu, pea malo pe ‘e ne kei nofo mai ‘i he kolisi, te’eki ke ‘ave ia ‘e ha kalapu ‘akapulu ki tu’apule’anga, pea mole atu ai leva ‘a e konga koula ‘a e Kolisi ko Tupou. ‘Oku tau fakamalo ki he tangata ni, ‘i he tokoni kia Siueni, ‘i hono tataki lelei ‘a e timi sipoti fakahisitolia ‘o e 2013, pea tauange ke tapuaki mai ‘e he ‘Otua ‘a e kaha’u ‘o ‘e ne feinga. Na’e tu’ukimu’a foki ‘i he sipoti ni ‘i he senior grade mo e talavou ko Viliami Pahulu mei he fo’i ‘one’one pe mo ia, mei Koulo ai pe. Ko e famili pe ia ‘o e kau Molitika mo e Filimone. Na’e fakaholomamata ‘a e lele ‘a Viliami he na’ane ikuna e metali koula ‘o e lele mita ‘e 400 mo e 800 ‘a e senior grade. Ko e ongo lele faingata’a eni, ka kuo tauhi mai ‘e he kau sipoti ‘a e Kolisi ko Tupou ia ‘a e ongo lele faingata’a ko eni ‘i he ngaahi ta’u lahi.

‘Oku tau manatu ai kia Tulapa (kuo si’i toki pekia), Paea Funaki, Sikoulini To’ia mo Mexico Vailea, mo e kimui mai ‘a Saimone Kienga mo Samisoni Hafoka. Ko e ‘ene fakaholomamata, ‘a e ikuna ki he tepi, ka ‘oku tau vakai atu ki he ‘osi ‘a e ivi, mo e manava, mo e me’a kotoa, ka ko e a’u ‘aki pe ‘a e loto, pea ko e Mo’unga ki he Loto ia, pea ‘oku fakamafana. Na’e pehe ‘a e ikuna ‘a Viliami ‘i he lele mita ‘e 400 mo e 800, he ko e kau tangata lelei mo mahino na’a nau fe’auhi, ka na’e ikuna ‘aki ‘e he talavou mei a Lie Malohi ‘o Koulo, ‘a e lea ‘iloa ‘a Lie, ka ko e polepole’anga ‘o Ha’atakalaua, ko e ‘Ikai ke lau e kafo, ka e lau e lava ‘a e fatongia. Pea kuo ikuna e fatongia, pea fakafeta’i ki he ‘Otua. Ko e talavou lavame’a hono hoko ko Maile Mama’o, na’a ne ikuna ‘e ia e metali koula ‘e tolu, ko e lele mita ‘e 400, 800 mo e 1500 ‘a e intermediate. Pea kau foki ki he timi lele fuka ne nau ikuna e metali koula ‘o e medley mo e mita ‘e 100 ‘a e intermediate, fakataha mo Saia Teumohenga. Ko e talavou ni ‘oku lelei mo ‘e ne feinga ‘i he mala’e ‘akapulu, pea ‘oku tau fakamalo pe ‘i he ‘e ne kei nofo mai ‘i he kolisi, te’eki ke mole atu ki tu’apule’anga.

Ko Maile ko e talavou ia mei Tokomololo, ko ‘e ne tamai ko Pulotu Mama’o mo ‘e ne fa’e ko Mele. Ka ‘oku mahino ko e famili mo eni ia mei he Fo’i’one’one. Ko e tangata mateaki mo lavame’a eni ‘i he sipoti mo e ‘akapulu ‘a e kolisi ‘i he ngaahi ta’u kuo hili, pea ‘oku tau ‘amanaki lelei ‘e hokohoko atu ‘e ne lavame’a ma’ae kolisi ‘i he ngaahi ta’u kaha’u, pea ‘oku tau fakamalo kiate ia ‘uma’a si’ono famili. ‘Oku fakafiefia ‘aupito ‘a e vakai atu ki he kaha’u ‘o e sipoti ‘a e kolisi, he ‘i he kalasi midget, ‘oku ha mai ai ‘a e ki’i talavou mohu taleniti, hange tofu pe ko e kamata hake ‘a Siueni mo Saia, ‘oku pehe ‘a e kamata hake ‘a Terry Toto Pongi ‘o e Tutu’angakava ‘i he kalasi midget. Ko e tamai ‘a Terry ko Pita Toto Pongi, pea ko Pita ko e taha ia ‘i he kau tautehina mamahi’i ‘o e Siasi mo e Kolisi ko Tupou, ko e lahi taha ai ko Samuela Pongi ‘oku nofo Nu’usila pea mo ‘Aleki Pongi ‘i Tofoa, ka ko e fanau ia ‘a e Kolisi Tutuku, ka ko e setuata faka-konifelenisi malolo ko Toto Pongi ‘o Holonga ka kuo si’i pekia. Ko e fa’e ‘a Terry mei he Tutui’-a-Tamale, ko e fefine ko Haitelenisia Lolomana’ia Pongi. Na’e ikuna ‘e Terry ‘a e metali koula ‘i he lele mita ‘e 100 mo e 200 ‘a e midget, pea ‘oku tau fakatu’amelie ki he kaha’u ‘o e ki’i talavou angalelei ko eni. Na’e ikuna foki ‘e Meimeite Siale ia ‘o Lavengatonga, mei he kau sipoti ‘a e Ngaahi Ako Lotoloto ‘o e Vahe Hahake, ‘a e metali koula ‘i he lele mita ‘e 400 mo e 800 ‘a e midget. Ka ko Meimeite ko e foha pe ia ‘o e tangata kolisi tutuku ko ‘Ofaloto Siale mei Lavengatonga, pea na’e fakamalohisino mai pe a Meimeite ia fakataha mo e kau sipoti ‘a e kolisi ‘i he ‘e ne teuteu atu ki he sipoti. Ka kuo ma’u e fakaha mei a ‘Ofaloto, ‘e hu mai leva ‘a Meimeite ia ki he Kolisi ko Tupou ‘i he 2014. Pea ‘oku tau tu’amelie lelei ki ha’ane kau fakataha mo Terry ‘i hono leleaki’i ‘a e fuka ‘o e Mo’unga ki he Loto ‘i he ngaahi ta’u kaha’u. Ko e taha he ngaahi koloa fakamafana ‘o e sipoti fakahisitolia ni, ko e folau mai ‘a e tangata kolisi tutuku ko Sinipata ‘Ulufonua mo hono foha ko Samiuela ‘Ulufonua mei Nu’usila, ‘o fakafofonga’i ‘e Samiuela ‘a e sipoti ‘a e Kolisi ko Tupou ‘i he tolo. Na’e ikuna ai ‘e Samiuela ‘a e metali koula ‘e tolu, ‘i he shot put, discuss mo e sika ‘a e kalasi intermediate. Na’e maumau’i foki ‘e Samiuela ia e ongo lekooti ‘e ua, ‘i he discuss ‘aki ‘a e mita ‘e 54.91, pea mo e shot put ko e mita ‘e 16.52. ‘Oku tu’ukimu’a pe foki ‘a Samiuela ia ‘i he sipoti ni ‘i Nu’usila, pea ‘e folau ia ‘o fakafofonga’i ‘a Nu’isila ‘i he tolo, ki he sipoti Youth World Championship ‘oku fai ki Ukraine, ‘a ia ‘e kau fakataha ai ia mo Saia Teumohenga mei Tonga ni ki he fe’auhi sipoti ko eni. Kuo foki atu a Samiuela ki Nu’usila mo hono falani sipoti mei he Kolisi ko Tupou, ke fakamanatu ‘a e ki’i taimi fakakoloa kiate ia, ke ha’u ‘o fakafofonga ‘a e kolisi na’e ako ai ‘e ne tangata’eiki. ‘Oku fa’a talanoa ange pe ‘e Sinipata ‘a ‘e ne ako ‘i he Kolisi ko Tupou, ka ko ‘e ne toki ha’u eni ‘o sio tonu ‘i he kolisi ‘oku fa’a manamanatu melie ki ai ‘e ne tamai. Pea kuo si’i tukupa mai a Samiuela, te ne kole ki hono famili ‘i Nu’usila, ke fakatau mai ha teunga fo’ou ‘o e timi sipoti ‘a e kolisi ki he 2014, ka e tufa ange a ‘a e ngaahi falani sipoti ‘o e ta’u ni, ke hoko ko e suvenia ia ki he fanau sipoti fakahisitolia ‘o e 2013. Kuo tuku mai foki ‘e Samiuela ‘e ne fo’i discuss ma’a e kolisi pea pehe ki he tuku mai mo e taha ‘o e ngaahi metali koula, ke tauhi ‘i he misiume ‘a e kolisi. Ko e fa’e ‘a Samiuela mei Nukunuku ia, ko e tamai ‘e ne fa’e mei he kau Payne ‘o Nukunuku, pea ko e fa’e ‘e ne fa’e ko e tuofefine ia ‘o Kulaheako (Viliami Takau) kuo si’i pekia. ‘Oku tau talamonu kia Samiuela mo si’ene feinga ‘oku fai, ‘ofa ke monu’ia. Na’e hokohoko atu ai pe hono tauhi ‘e he kau puna ‘akau ‘a e kolisi ‘a e lekooti fakatalutalu ‘oku polepole ai ‘a e kau sipoti ‘o e ngaahi to’utangata kehekehe ‘a e kolisi. Ko e lekooti ia ‘o e ikuna ‘o e tumutumu ‘o e kau kaimelie ‘o e Kolisi ko Tupou, Taufa’ahau Tupou IV (tapu mo e Fale ‘o Tupou), ‘i he ‘e ne kei maa’imoa ako ‘i he kolisi ‘i he 1932. Na’a ne kei ta’u 14, kuo ne fokotu’u ‘a e lekooti fo’ou ‘i he ‘e ne maa’imoa hopo’akau, ko e fute ‘e 10 hono ma’olunga.

Ko e mata’ikoloa ia ‘a e kau sipoti ‘o e kolisi ‘i he ngaahi kuonga kotoa pe ke feinga ke tauhi. ‘Oku tau manatu melie kia Tuti mo Sanitesi Latu, Siaosi Loteni pea kimui mai ‘a Sinilati Saafi pea mo Manase Folau. Pea ko e ta’u ni, ne ikuna kotoa ai ‘e he kau sipoti puna’akau ‘a e Kolisi ko Tupou, ‘a e ngaahi metali koula kotoa ‘e fa na’e fai ki ai ‘a e fe’auhi. Ko Toutai Kanongata’a ‘i he Junior, ko ‘Uluaki Taufa ‘i he kalasi intermediate, pea ko Utu Fa’apoi ‘i he kalasi Senior pea mo Manase Folau ‘i he kalasi Open. ‘Oku tau hanga ki he kaha’u na, pea mo ‘etau talamonu ki he ngaahi to’uako, ke kei lava ‘o pukepuke ‘a e koloa tukufakaholo ko eni ‘a e kolisi, ka ko e koloa ne to mei falelahi. Na’e metali koula foki pea mo Mosese Foliaki ‘i he puna ma’olunga ‘a e kalasi junior pea mo Soape Polutele ‘i he sika ‘a e kalasi senior. Ko e kalasi open, na’e ikuna ai ‘e Viliami Siale ‘a e hetolo mita ‘e 400. Pea na’e ikuna ai foki ‘i he kalasi open ‘e Manase Folau ‘a e metali koula ‘e 4. Ko e lele hetolo mita ‘e 110, puna loloa, puna’aku mo e puna sitepu. Ko Manase ko e tangata ia kuo ne fakafofonga’i mai e kolisi ‘i he sipoti mo e ‘akapulu ‘i he ngaahi ta’u lahi. Ko e tangata ‘ulungaanga lelei pea falala’anga. Ko e ta’u faka’osi pe eni ‘o Manase ‘i he kolisi, pea ‘oku hounga ki he kau ngaue ‘a e tou’anga ‘a Manase ma’ae Kolisi ko Tupou, pea ‘oku tau fakatauange ke tapuaki mai ‘e he ‘Otua ke monu’ia e kaha’u ‘o e talavou mateaki ko eni. ‘Oku tau fakamalo foki ki he ki’i matu’a ne nau tokoni ki hono pukepuke ‘a e fanau sipoti lolotonga ‘enau teuteu ki he fe’auhi sipoti ‘o e ta’u ni. Ko e pule sipoti mo e ‘akapulu, Rev. Fotu’atungua Tu’akoi, mo e tokoni ko Rev Tu’ipulotu Samiu. Ko e pule fai fakamalohisino ko Paea ‘Akau’ola, pea mo Anesili Tangi ‘i he puna ‘akau, pea mo e komiti sipoti. Ko e feime’atokoni ko ‘Aisea Nehoa, Hemitoni Voni pea mo Netane Folau. Pea ko e ongo faka’uli ko ‘Apitanga Sekope pea mo Paea Mafi. Malo mu’a kau tangata e ngaue lahi, pea ko hotau pale pe ia, ki ha ngaue kuo fai ‘o lelei, ko e toe ‘omai pe mo ha fatongia ‘e taha, ka ke langilangi’ia ai pe hotau ‘Otua. ‘Oku tau lotu mo fakatauange ke kei lakalakaimonu ai pe ‘a e kau sipoti ‘a e Kolisi ko Tupou, ke kei langilangi’ia ai pe hotau ‘Otua ‘i he ngaahi taleniti kuo paotoloaki ‘i he Kolisi ko Tupou, ka ko e fatongia pe ia ‘o e siasi ki he kaha’u ‘o e fonua mo e famili.

Rev . Dr. Fisi’ihoi Mone,

Puleako, Kolisi Ko Tupou.

The Tupou College Athletic Team: Open Boys

1 Viliami Siale
2 Manase Folau
3 Viliami Kaufusi
4 Mavae Manufekai
5 Pasikala Kofe
6 Peni Pulu
7 Tu’ukaivi Samita
8 ‘Anitelu Moimoi
9 Sesita Vaiomo’unga
10 Uia Filikitonga
11 Kelekolio Valu