Tag Archive for Lord Tangi ‘o Vaonukonuka

Ground Breaking for the 150 Building

Na’e lava lelei hono tanu pou e fale fakamanatu ‘a e ta’u 150 ‘a e Kolisi Ko Tupou ‘i he ‘aho Monite ko hono 1 ‘o Sune. Na’e me’a e Tangata’eiki Palesiteni “ko e langa fakahisitolia ‘eni he kelekele fakahisitolia. Ko e mahu’inga ‘o e Tanu pou ‘o e ‘aho ni ko hono fakatoka ‘oe ngaahi makatu’unga ‘o e fale pea ‘oku fakatoka ki ai pea mo e Laumalie Ma’oni’oni.”

Na’a ne toe me’a foki ki he fekau ‘o e ‘aho – ‘a ia ko e langa ‘oku fai ‘oku ‘ikai ko ha fale ke fai ai ha sani tungua, ka ko e fale ke toe faka’ofo’ofa ange ai ‘a e teu tangata, ko e fale ke tokonaki ha Tangata Kolisi Ko Tupou lelei ‘a ia ‘e ‘aonga ki he Pule’anga, Siasi mo e Famili.

Kuo kamata e ngaue mahu’inga ni pea ‘oku fai e langa ‘e he kautaha ko e Southseas Developer. Ko hono tu’u’anga ko e feitu’u ne tu’u ai e falelotu motu’a ‘o e Kolisi ‘i he vaha’a ‘o e falefakamanatu ‘o Tungi Mailefihi pea mo e fale fakamanatu ‘o Fatafehi Tu’i-Pelehake.

Ko e fale ni ko e fale fungavaka he ‘oku ‘i ai e fiema’u ke e’a hake ki ‘olunga he ko e fale ni te ne fakama’opo’opo mai e kau taki ‘o e ‘api ko Toloa pea ‘e fai mei ai hono fakalele e Kolisi motu’a taha ‘o e  Pasifiki, ‘a e Kolisi ne fuofua ako’i e nofo fakasivilaise fakalotu mo e fakaako.
‘Oku kei fai pe hono fakakaukau’i e Huafa ‘o e falefakamanatu ni ka kuo mahino mai pe ko e Huafa ‘e ‘ai ki he Fale ni te tau polepole mo fiefia kotoa ai.

Na’e ‘i he Katoanga ni ‘a e Palesiteni ‘o e Siasi, Lord Tangi ‘o Vaonukonuka (Sekelitali Lahi e Kautaha Kolisi Tutuku), Tuitu’u Tokotaha (Sea ‘o e Komiti Ngaue), Hon Pohiva Tu’i’onetoa (Tauhi Pa’anga Lahi e Kolisi Tutuku), Tomasi Naite Fakahua (Sekelitali e Komiti Ngaue), ‘Ungatea Taufatofua (Talekita ‘o e Kautaha Langa) mo e toenga ‘o e kau Kolisi Tutuku, Puleako mo e kaungaue ‘o e Kolisi mo e fanauako lolotonga.

 

The groundbreaking Ceremony for the Memorable Building for 150 years Celebration was conducted on the 1st of June. The President of the Church, Rev Dr. ‘Ahio and the Secretary General of the Tupou College Ex-Students, officially marked the beginning of what is said to be a historical Construction on a historical ground. “Today’s ceremony is not just marking of the laying of the iron foundation but it is also laying of the spiritual foundation” says the President of the Church. “It is a building where it will help College Leaders and Staff to prepare well-disciplined young men for the future of Tonga.

The Construction work is under the direction of the South-Seas Developer. The Memorable Building is located where the Old Church used to be, between the Memorable Building of His Majesty Tungi Mailefihi and the Memorable Building of His Majesty Fatafehi Tu’i-Pelehake.
This is going to be a Story-House building of which it will help the Principals and the Administration Staff to oversee the operation of the oldest school in the Pacific.

A name for this building is yet to be decided, however as mentioned by the Secretary General “whatever name it may be given, it will make everyone happy and proud of the work that we are starting today”